***Beti Ka Paigaam Papa Ke Naam***

**Beti Ka Paigaam Papa Ke Naam**

Aap Se Hai Meri Pehchan Papa,
Dunia Me Sabse Ho Mahaan Papa
Rehne Ko Hai Beshaq Pyara Sa Ghar
Par Mere Liya Ho Aap Aasman Papa

Laadli Hoon Bachpan Se Hi Aapki
Har Cheez Ke Liye Zid Karti Thi
Jhooth-Mooth Bahut Baar Roya Tha
Bhukhe Rehne Se Bhi Nahi Darti Thi

Mujhe Aise Rote Huye Dekhkar
Aap Bhi Pighal Jaya Karte The..
Agle Din Ka Mujhse Wada Karke,
Wo Cheez Le Aaya Karte The

Bahut Yaad Aata Hai Bachpan
Jab Ungli Pakad Chalna Tha Sikhya
Jab Bhi Ab Koyi Mushkil Aan Padi
Aapki Di Shiksha Se Sab Suljhaya,

Aaj Bhi Jab Yaad Aata Hai,
Mujhe Meri Wo Bidaayi Ka Din,
Sochti Hu Main Kaise Rahugi
Naye Shehar Mein Aapke Bin

Aap To Ho Sada Dil Mein Mere
Mujhe Bhi Dil Mein Abaad Rakhna
Ye Shehar Kya Door Karega Aapse
Apni Ladli Ko Bas Yaad Rakhna

Ji Chahta Hai O Mere Pyare Papa
Apna Har-Din Aapke Naam Kar Du,
Aapki Chhaya Main Rahu Sada,
Aap Par Har Khushi Kurbaan Kar Du...!!!

AVTAR RAYAT