***Aapsa Koyi Moti Nahi***

O Jaana...
Aapko Paana Zindagi Hai...
Aapko Khona Maut Meri,
Aapke Siwa Is Dil Ko..
Kisi Aur Ki Koyi Soch Nahi,

Maang Leinge Khuda Se...
Ya Chura Leinge Tumhein,
Kyoki...Aap Jaisa Doosra Moti,
UsKe Khazaane Mein Nahi...!!!

AVTAR RAYAT Avi

***Meri Khudayi Ho Tum***

Aye Jaan...

Mere Jism Mein Lahu Ban Ke...Samaaye Ho Tum,
Ban Ke Hasin Khwab...Jeewan Mein Aaye Ho Tum,
Sirf Aap Hi Ho Meri Jaan..Aur Jaha Kya Hai Mera,
Aap Ibaadat Ho Meri...Aur Meri Khudayi Ho Tum..!!!

AVTAR RAYAT Avi

***Praaye Ho Aap***

Aye Jaan...
Jab Bhi Tum Dekhte Ho Kisi Aur Ki Taraf,
Dil Jalta Hai Kitna Tumse Kaise Kahein,
Aap To Reh Bhi Loge Shayad Mere Bina,
Hum Tumhare Bina Ik Pal Kaise Rahein,
Umar Bhar Jeete Aaye Hein Aapke Liye,
Phir Bhi Paraye Ho Tume Kaise Kahein...!!!

AVTAR RAYAT

***Aapke Ghar Ke Saamne***

Aye Jaan...

Baithe Raheinge Raat Bhar...
Aapke Ghar Ke Saamne
Ab Deinge Yahi'n Jaan..
Aapke Ghar Ke Saamne,

Aapke Father Bahut Adial Hein...
Ye Pata Hai Humein,
Hum Bhi Datte Raheinge...
Aapke Ghar Ke Saamne,


Bahut Gaalia Sunege Hum...
Humara Beda Gark Bhi Hoga,
Phir Bhi Besharmi Dikhaayeinge...
Aapke Ghar Ke Saamne,


Pade Likhe To Hein Hum...
Bolna Bhi Humein Aata Hai,
Lekin Khub Draame Rachaayeinge...
Aapke Ghar Ke Saamne,


Ye Bhi Sabhi Jaante Hein Ke...
Thoda Darte Bhi Hein Hum,
Lekin Phir Bhi Nidar Bane Raheinge...
Aapke Ghar Ke Saamne...!!!


AVTAR RAYAT AVI

Chingaario'n Ka Khauf

Aye Jaan...

Chingaario'n Ka Khauf Na Dijiye Humein,
Apne Dil Mein Aag Ka Daria
Basaaye Baithe Hein,
Hum To Kab Ke Jal Jaate
Is Aag Ke Sholo'n Mein,
Par Aapke Didaar Ki Khaatir...
Is Dil Ko Sambhaale Baithe Hein...!!!

AVTAR RAYAT Avi

***Aapse Mil Kar Humein Aisa Laga***

Aye Jaan...

Aapse Milkar Humein Aise Laga...
Jaise Barson Purana Aapse Koyi Naata Ho,

Jaise Koyi Sadion Ke Baad...
Ye Dil Phir Se Ek Baar Dhadka Ho,

Na Jaane Kis Janam Ka Rishta Hai Aapke Sath,
Jaise Barso Pehle Aapko Kahin Dekha Ho,

Jee Gaye Phir Se Hum
Akele Tanha The Is Dunia Mein,

Laga Jaise Phir Se Koyi..
Jeene Ki Wajah De Gaya Ho,

Aapko Paakar Phir Se Laut Aayi Hein
Zindagi Mein Khushian Humari,

Jaise Khud Uperwaala Aapki Surat Mein,
Humse Milne Zameen Pe Utar Aaya Ho...

O Meri Jaana....

Jaise Khud Uperwaala Aapki Surat Mein,

Humse Milne Zameen Pe Utar Aaya Ho......!!!

AVTAR RAYAT Avi

***Aaj Unka Sandesa Aaya Hai***

Aaj Abhi Unka Sandesha Aaya Hai, Paas Apne Usne Mujhko Bulaya Hai, Jald Hi Phir Main Uske Saath Hungi, Mil Baith Kar Vohi Baatein Chaar Hongi, Ab Phir Se Unke Deedar Honge, Phir Se Gile Shikve Hazaar Honge, Pehle Wo Hota Tha Mere Sang Do Pal, Ab Ekdam Poora Naksha Jayega Badal, Kal Tak Jo Chand Dino Ka Mehmaan Tha Mera, Ab Vo Chand Dinon Ka Mezban Banega Mera, Pehle Vo Sharton Se Aata Jata Tha Paas Mere, Ab Ye Sab Main Nibaungi Saanjh Saware...!!!