***Betio'n Ke Naseeb***

*Betio'n Ke Naseeb*

Beti Bankar Aayi Hu...
Maa Baap Ke Jiwan Mein,
Basera Hoga Kal Mera Kaha'n...
Jaane Kis Ke Aangan Mein...

Kyo Ye Reet Is Dunia Ne...
Hum Betio'n Ke Liye Banaayi Hai...
Bachpan Jab Baabul Ka Ghar hai,
Fir Kyo Un Se Ye Judaayi Hai..

Jab Main Bahut Chhoti Thi...
Khilono Se Khela Karti Thi,
Gudde-Gudia Ki Shaadi Karke...
Jhuth-Mooth Roya Karti Thi,

Ab Aaj Jab Meri Vidaayi Hai
Woh Baat Samjh Mein Aayi Hai
Bachpan Ki Wo Batein Sochkar
Aankh Meri Bhar Aayi Hai...

Baabul Tere Saath Rahi Hu...
Aaj Kaisi Tumse Ye Judaayi Hai,
Bachpan Khela Jab Aangan Me Tere,
Aaj Na Kaho Ke Tu Praayi Hai,

Aye Khuda, Kyo Rishta Humara...
Dunia Se Alag Chalaya Hai,...
Jaane Kyo Sirf Hum Betio'n Ka.
Tumne Naseeb Aisa Banaya Hai...!!!

AVTAR RAYAT