***Ek Ladki Ke Aansoo***

Damini Ke Aakhiri Sabad Apne Mummy-Papa
Aur Bhai Ke Liye Shayad Ye Honge...
***
O Pyari Maa,
Main Abhi Aur Jeena Chahati Hu,
Apno'n Ke Sang Waqt Bitaana Chahati Hu,
Mitti Ka Khilona Nahi Hoti Hein Ladkia'n,
Ye Baat Sab Ko Bataana Chahati Hu,

Aapka Bhi Mere Liye Ye Sapna Tha,
Mere Liye Koyi Rajkumar Aayega,
Le Jaayega Doli Mein Baitha Ke,
Jiwan Ki Bagia Mehkaayega,

Khush Huya Karte The Papa Dekh Kar,
Ab Royeinge Yaad Kar Ke Aksar
Bhai Bhi Jab Khayalo Mein Khoyega,
Chhup-Chhup..Mere Liye Royega,

Ja Rahi Hu Aaj Dunia Chhod Kar,
Sada Ke Liye Sab Se Naata Tod Kar.
Na Aaungi Kabhi Dubaara Is Dharti Par
Kisiki Bhi Beti Wala Naata Jod Kar,

O Bheyia..Teri Bahna Dunia Se Ja Rahi Hai
Magar Hazaro Bahno Ka Tu Khayal Rakhna,
Sone Ja Rahi Hu Ab Sada-Sada Ke Liye,
Aap Apna Aur Sabka Khayal Rakhna...!!!

(Bhagwan Damini Ki Aatma Ko Shanti De)

AVTAR RAYAT