***Aaj Samaj Gaye Aapki Wafaayo'n Ko***

Aaj Samaj Gaye Aapki Wafaayo'n Ko,
Raah Mein Uljhi Huyi Jafaayo'n Ko,
Na De Sake Is Jaha'n Ki Khushia'n Humein,
Hum Samaj Gaye Aapki Adaayo'n Ko,

Jaane Kyo Aapne Humare Jazbaato Se Khela,
Hum The Akele Aur Humara Dil Tha Akela,
Ab Lagta Nahi Humare Dil Ke Aangan Mein
Pehle Ki Tareh Dosto Ki Mehfilon Ka Mela,

Aaj Hein Usi mod pe, bhale hai saath Tumhara,
Par Akele-Pan Ne Humein Aisa Hai Maara
Aapse Humein Nahi Mila Jaisa Sochte The,
Zindagi Bhar Ke Liye Mohabat Ka Sahaara,

Aaj Samaj ke nazrein churate hein Aapse,
Ki Hum ro na dein Aur chhin Jaayein Khud Se,
Jaan Na paaye keemat Humare Un Aansuo'n Ki..
Jo bahe sirf Aapke liye aur Aapke paas aane ko,

Aaj ho chuki hai der...lDar Lagta hai dil ko,
Kya sach mein pyar tha..Jo Kabhi Hua Tha Humko...!!!

AVTAR RAYAT

***Ab Koyi Aur Zakham Khana Mere Bas Mein Nahi,***

Tumhein Pa Ke Khona Humare Bas Mein Nahi,

Ab Koyi Aur Zakham Khana Humare Bas Mein Nahi,

Ek Umar Tak Dhoye Hai Dil Ke Zakhmo'n Ko,

Ab In Zakhmo'n Ko Dhona Humare Bas Mein Nahi,

Jaag Chuke Hein Raat-Raat Bhar Tanhayio'n Mein,

Ab Raato'n Ko Sona Humare Bas Mein Nahi,

Ab Aakhri Umeed Le Ke Aaye Hein Dar Pe Aapke,

Dukho' Mein Ab Aur Rona Humare Bas Mein Nahi,

Aapke Baad Nazar Aati Nahi Hai Koyi Aur Manzil,

Kisi Aur Ka Hona Ab Humare Bas Mein Nahi...
Aye Jaan...Aapke Baad...
Kisi Aur Ka Hona Ab Humare Bas Mein Nahi...!!!

AVTAR RAYAT

***Unse Faasle***

Dosto...
Unse Faasle Kya Badh Gaye...
Galat Fehmia Bhi Badh Gayi,
Ab..Unse Wo Bhi Sun.na Pada...
Jo Humne Kabhi Kaha Hi Nahi...!!!

AVTAR RAYAT

***Tera Roothna Likhu***

Aye Jaan...
Tera Roothna Likhu Ya Tera Manaana Likhu,
Jee To Karta Hai Har Lamha Wo Suhaana Likhu,
Tere Saath Guzre The Jiwan Ke Kayi Suhaane Pal,
Kya..Madhosh Raaton Ka Guzra Wo Zamaana Likhu...!!!

AVTAR RAYAT

***Tum Se Juda Ho Ke***

Aye Jaan...
Tum Se Juda Ho Ke Hum Par...
Ek-Ek Lamha Bhari Hai,
Na Poocho Judayi Ki Har Raat..
Kis Tarah Humne Guzaari Hai,

Mujhe Kuch Yaad Hai To Bas...
Tumse Huyi Wo Pehli Mulaqaat,
Beete Dino Mein Bas Wo Hi...
Ek Shaam Humein Pyaari Hai...!!!

AVTAR RAYAT

***Milte Hein Kisi Mod Par Wo***

Aye Dost...
Milte Hein Kisi Mod Par Wo,
Unki Nazrein Jhuk Jaati Hein,
Dekhte Hein Aankhon Mein To,
Unki Aankh Bhar Aati Hai,

Un Ke Sath Ye To Hona Hi Tha...
Thukraya Tha Mohabbat Ko Humari,
Aur Thokar Maarne Walo Ko Aksar,
Chot...Lag Hi Jaati Hai...!!!

AVTAR RAYAT

***O Nazar Churaane Wale***

O Nazar Churaane Wale..Humein Jaroor Chahoge...Ek Din,
Humari Baaho'n Mein Be-Jhijhak...Chale Aayoge...Ek Din,

Na Kariye...Humare Jazbaato Se Bar-Baar Khilwaad,
Warna Bahut Pachhtaaoge...Ek Din,

Soch Lijiye Humse..Itni..Be-Rukhi..Acchhi Nahi,
Humari Chahat Mein..Jal Ke Reh Jaoge..Ek Din,

Hum Kehte Hein...Laut Aayiye...Aap Laut Aayiye,
Warna...Humse Milne Ke Liye..Taras Jaoge..Ek Din,

Humse Milne Ke Liye...Taras Jaoge...Ek Din...!!!

AVTAR RAYAT

***Aap Janmo Se Mere Ho***

Aye Jaan...
Aap Janmo Se Mere Ho...Begaane Ho Nahi Sakte,
Khubsurat Ho Kohinoor Se..Zamaane Ke Ho Nahi Sakte

Tumhare Sath Jo Guzre..Wo Zamaana Yaad Aate Hein
Tumhare Baad Ye Mausam Suhaane Ho Nahi Sakte,

Chhupaane Se Nahi Chhipte..Dikhaane Se Nahi Dikhte,
Ye Ishq Ki Aag Ke Darya Hein..Bahaane Ho Nahi Sakte,

Humare Dil Mein Bas Jaayiye...Nigaaho Mein Samaa Jaayiye,
Kyoki Is Dil Mein Phir Se..Kisi Ke Thikaane Ho Nahi Sakte

Bahut Chaahne Waale Hein Tumhare Aye Humnaseen,
Magar Ye Yaad Rakhiye..Humse Diler Ho Nahi Sakte...!!!

AVTAR RAYAT

***Gam Judayi Ka***

O Bereham...
Gam Judayi Ka...
Kam To Ho Gaya Tha Ro-Ro Ke,
Par Tumne Ek Aur Zakham Kyo De Diya...
Kisi Aur Ka Ho Ke...!!!

AVTAR RAYAT

***Na Jaane Kyo***

Na Jaane Kyo Ab Dil Mein...Koyi Halchal Nahi Hoti,
Aapki Khushboo Meri Saanso Se Kam Nahi Hoti,
Meri Manzil Nahi Hein Aap...Ye Jaan Kar Bhi Humse,
Aapko Paane Ki Chahat Kyo Khatam Nahi Hoti...!!!

AVTAR RAYAT

***Meri Aankhon Se***

Dosto...
Meri Aankhon Se...Ye Surakh Laali Nahi Jaati,
Meri Koyi Bhi Raat...Teri Yaado Se Khaali Nahi Jaati,
Koyi Aaye...Aur Aakar...Ye Tere Dard Sambhaale,
Kyoki...Ab Humse Ye Jageer Sambhaali Nahi Jaati,
Lagta Hai...Jab Hum Jaan Se Jaayeinge..Tab Hi Baat Banegi,
Aap Se To Koyi Raah Nikaali Bhi Nahi Jaati...!!!

AVTAR RAYAT

***Un Ke Sapne***

Aye Dost...
Un Ke Sapne...Aate Bahut Hein,
Pyar Humse Wo..Jataate Bahut Hein,
Logo Ki Nazar Na Lage..
Isliye Chhipaate Bahut Hein,
In Aankhon Mein...
Unhein Basaayein Bhi To Kaise...
Log...Rulaate Bahut Hein...!!!

AVTAR RAYAT

***Zindagi Ka Pehla Pyar***

Zindagi Ka Pehla Pyar...Koyi Bhool Nahi Paata,
Koyi Koshish Bhi Kare,Yaado Se Nikal Nahi Paata,

Jab Koyi Kisi Ko Khud Se Badhkar Hai Chahta,
Use Ke Dil Ko Dunia Ka Koyi Bhi Nahi Lubhaata,

Sir Chad Kar Bolta Hai..Jab Ye Nasha Pyaar Ka,
Har Sheh Mein Nazar Aata Hai Chehra Dildaar Ka,

Lover Uski Khushi Mein Khud Ko Bhool Jate Hein,
Uska Naam Sochne Bhar Se Hi Jhoom Jaate Hein,

Har Waqt Uska Naam Likh Kar Muskuraate Hein,
Baat Hone Ke Baad Bhi Kuchh Kehna Bhul Jaate Hein,

Mehboob Ki Baaho'n Mein Hi Dikhti Hai Zannat Ki Bahaar
Fir Na Jaane Kyo Adhoora Reh Jaata Hai Ye Pahla Pyar...!!!

AVTAR RAYAT

***Dil Jisko Khuda Maan Baitha***

Dosto...
Dil Jisko Khuda Maan Baitha,
Wo Hi Humein Mitaane Ki Thaan Baitha,
Use Kya Farq Padega Bewafa Kehne Ka,
Jo Bech Kar Apna Imaan Baitha...!!!

AVTAR RAYAT

***Pyar To Har Koyi Karta Hai***

Pyar To Har Koyi Karta Hai...
Nibhaate Bahut Kam Hein,
Humari Kismat Mein Aisa Na Tha Koyi...
Bas Isi Baat Ka Humein Gam Hai...!!!

AVTAR RAYAT

***Ab Humein Pyar Se Ruksat Kijiye***

Aye Jaan...
Ab Humein Pyar Se Ruksat Kijiye...Na Aansoo Bahayiye,
Thodi Der Baaho'n Mein Rakh Lijiye...Na Dooria'n Banaayiye,

Zindagi To Jee Hi Chuke Hein...Tumhein Paane Ki Chahat Mein,
Paas Aayiye Deedaar Kar Lein...Na Humse Muh Firaayiye,

Thodi Si Mohallat De Dijiye...Phir Door Chale Jaayeinge
Kuchh Der Hi Hein Aapke Paas...Na Phir Laut Ke Aayeinge,

Kijiye Khushio'n Se Vida...Na Humse Gam Jataayiye,
Mere Sapno Ko Todne Waale...Ab Haqikat Mein Aayiye,

Jaana Hai Samshaan Humein...Jara Kandha Lagaayiye,
Jee Bhar Ke Sone Dijiye Sanam...Ab Humein Na Jagaayiye...!!!

AVTAR RAYAT

***Har Mod Se Gujari Hai Ye Zindagi***

Aye Jaan....
Har Mod Se Gujari Hai Ye Zindagi...
Tujhe Maloom Nahi,
Har Thokar Se Sambhala Hai Khud Ko...
Tujhe Maloom Nahi,
Aaj Bhi Bahut Se Dafan Hein Raj...
Mere Seene Mein..
Tumhein Khone Se Dar Lagta Hai...
Tujhe Maloom Nahi,
Tinka-Tinka Jod..Banaya Hai Maine...
Sapno Ka Ye Mehal,
Tammana Thi Barso Se Sang-Sang Rehne Ki...
Tujhe Maloom Nahi..

AVTAR RAYAT

***Mohabat Ki Dunia..Funny***

Suno...

Mohabat Ki Dunia...Apne Dil Mein Dhoond Lena,
Praatho'n Ka Aaata...Acchhe Se Goond Lena,

Pyar Ki Raaho Mein...Hosh Kabhi Na Khona,
Kuchh Rakhe Pyazo'n Ko..Kaat.te Waqt Na Rona,

Roothne Ka Ye Bahaana...Aapka Acchha Hai,
Thoda Sa Or Paka Lena..Aalu Abhi Kacha Hai,

Miloge Kabhi Raah Mein..Khushia'n Baant Lena,
Tamaataro'n Ko Dho Kar..Bareek Se Kaat Lena,

Humari Mohabat Dekh Ke..Ye Log Jal Na Jaayein,
Chawal Uthaar Lena Kahi'n Jyaada Gal Na Jaayein,

Dosto...Kaisi Lagi Ye Ghazal...Humein Bata Dena,
Namak-Masaala Kam Lage...To...Aur Mila Lena...!!!

AVTAR RAYAT

***Pehle Koyi Humdard Na Tha***

Aye Dost...
Pehle Koyi Humdard Na Tha,
Humein Koyi Bhi Dard Na Tha,

Achanak Raah Mein Ek Hamdard Mila,
Phir Zindagi Bhar Ka Humein Dard Mila..!!!

AVTAR RAYAT

***Nishan Tak Na Mile***

Aye Dost...
Nishan Tak Na Mile...Meri Wafa Ke Use,
Maine Bhi Raah Badal Di...Aazma Ke Use,

Hum Kabhi Na Uski..Soch Ko Samjh Paaye,
Ek-Ek Panna Dikhaaya...Dil Khulwa Ke Use,

Jo Sab Ka Haal Huya...Wahi Humara Huya,
Bani Na Koyi Baat Haale Dil Suna Ke Use,

Humein Yaqeen To Tha...Wo Laut Kar Ayeinge,
Magar Udaas Bhi The...Raasta Dikha Ke Use...!!!

AVTAR RAYAT

***Abhi Bhi Waqt Hai Aap Laut Jaayo***

Suno....
Abhi Bhi Waqt Hai Aap Laut Jaayo,
Mujhe Aapse Mohabat Ho Chali Hai,

Beshaq Aapko Ye Ajeeb Sa Lage,
Par Is Dil Mein Qayamat Ho Chali Hai,

Aapke Naam Se Phoolon Ka Khilna,
Aapka Achaanak Roz Ka Yu Milna,

Mere Dil Ko Aadat Ho Chali Hai,

Abhi Bhi Waqt Hai Aap Laut Jaayo,
Mujhe Aapse Mohabat Ho Chali Hai,

Hum Nahi Chaahte Koyi Nadaani Ho,
Humaari Wajeh Se Koyi Pareshani Ho,

Phir Majbooria Ho Itni Ke Mil Na Paayein,
Dunia Ko Ro-Ro Ke Ye Dukhde Sunaaye,

Rone Se To Acchha Judaayi Bhali Hai

Abhi Bhi Waqt Hai Aap Laut Jaayo
Mujhe Aapse Mohabat Ho Chali Hai...!!!

AVTAR RAYAT

***HAPPY BIRTHDAY***

Aapki Khushio'n Mein Raheingi...
Sada Humari Duayein,
Aap Jeeyo Hazaaro'n Saal...
Ye Dete Hein Dilse Sadaayein...!!!

HAPPY BIRTHDAY DEAR

AVTAR RAYAT Avi

***HAPPY INDEPENDENCE DAY***

==--..__..-=-._;
==--..__..-=-._;
!!==--..@..-=-._;
!!==--..__..-=-._;
!!
!!
!!
Jo Mit Gaye Desh Par,
Unko Salaam Karte Hein,
Hum Apne Chand Alfaaz,
Sabhko Bayaan Karte Hein,
Chad Gaye Jo Has Kar Sooli
Khaayi Jinhone Seene Pe Goli,
Khele The Jo Khoon Ki Holi,
Hum Unko Pranaam Karte Hein,
Jo Mit Gaye Desh Ki Khaatir,
Hum Unko Salaam Karte Hein...!!!

HAPPY INDEPENDENCE DAY

AVTAR RAYAT

***Meri Yaad Mein Na Aansoo***

Dosto...Kuchh Desh Ke Jawaano'n Ke Liye.....
O Maa'n
""""""""""""""
Meri Yaad Mein Na Aansoo Bahaaya Karo Maa'n
Na Yaad Karke Apne Dil Ko Dukhaaya Karo Maa'n,

Meri Zindagi Hai Kab Tak..Kuchh Pata Nahi,
Dukhi Ho Ke Na Apne Ko Rulaya Karo Maa'n,

Humar Arthi Hamesha Uthaate Hein Jawaan,
Tum Dil Par Ye Dard Na Baithaaya Karo Maa'n,

Maut Aa Jaaye Desh Ki Sewa Karte Kabhi,
Mujhe Dekhna..To Tiranga Fehraaya Karo Maa'n...!!!

HAPPY INDEPENDENCE DAY FRIEND's

AVTAR RAYAT Avi

***Dil Tod Ke Baithe Rehne Se***

Aye Dost....

Dil Tod Ke Baithe Rehne Se Guzaara Nahi Hota,
Har Insaan Mazboorio'n Ka Maara Nahi Hota,

Halaat Badlte Rehte Hein Waqt Ke Sath-Sath,
Siwa Khuda Ke Koyi Kisi Ka Sahaara Nahi Hota,

Gamo Mein Jeene Se Kuchh Bhi Haasil Nahi,
Har Kishti Ki Kismat Mein Kinaara Nahi Hota,

Manzil Ki Aur Chalte Rehna Hai Har Haal Mein,
Na Rukte Kabhi, Agar Kisi Ne Pukaara Na Hota,

Humari Tanhaayi Na Chheeno..Khuda Ke Liye,
Tanha Rehne Waala Har Insaan Awaara Nahi Hota,

Hum To Dil Mein Samunder Ki Gehrayi Rakhte Hein,
Wo Kya Jeeyeinge..Jo Dard Ka Maara Nahi Hota...!!!

AVTAR RAYAT

***HAPPY JANMASHTMI***

Maakhan Churakr Jisne Khaya,
Bansi Bajakar Jisne Nachaaya,
Khushi Manaayo Uske Janam Ki,
Jisne Jag Ko Prem Shikhaaya..!!!

HAPPY JANMASHTMI FRIEND's

AVTAR RAYAT Avi.

***Kyo Hum Itne, Bade Ho Gaye***

Wo Din Bhi...
Kya Din The,

Maa'n Ka Aanchal
Papa Ke Kandhe,

Na Padaayi Ka Fikar
Na Faaltu Ke Funde,

Na Aaj Ki Chinta,
Na Future Ke Sapne,

Ab Kal Ki Hai Fikar
Aur Adhoore Hein Sapne,

Mud Kar Dekha...To,
Bahut Door Hein Apne,

Manzilo'n Ko Dhoonte,
Hum Kaha'n Kho Gaye,

Kyo Hum Itne,
Bade Ho Gaye...

Dosto...
Kyo Hum Itne,
Bade Ho Gaye...!!!

AVTAR RAYAT

***Un Ki Farebi Muskurahto Pe***

Aye Dost...
Un Ki Farebi Muskurahto Pe...
Jiwan Ko Sawaar Baithe...
Jhoothe-Sache Waado Pe,
Apne Ko Haar Baithe,
Socha Tha Patjhad Mein...
Bahaar Aayegi Hum Par Bhi,
Par...
Wo Katraane Lage Humse,
Jab Sab Kuchh Un Par Vaar Baithe...!!!

AVTAR RAYAT

***Funny***

***funny***

Log Kehte Hein...Whisky Is Risky,
Kuchh Kehte Hein...
Whisky Nahi..To..Zindagi Miss Ki,

Lover Kehte Hein...
Girlfriend Se Jyada..Koyi Nahi Risky,
Aaj Teri.....To Kal Pata Nahi Kis Ki,

Hum Kehte Hein...
Apni Girlfriend Ko...Palko Par Bitha Lo,
De Ke Dhero Khushian..Saare Gum Chura Lo,

Be-Had Pyar Karo...
Par..,Karo Uski Saheli Ke Saamne...

Uski Saheli Bhi Aapse Kahe...
Jaanu...Humein Bhi Pata Lo...!!!

AVTAR RAYAT

***Jiwan Mein Kabhi***

Aye Dost,
Jiwan Mein Kabhi...
Humse Muh Na Modna,
Chaahe Chhute Sabka Saath...
Par Humara Saath Na Chhodna,
Agar Chale Gaye Door Humse...
To Aye Dost Bin Aapke...
Ye Zindagi Adhoori Ho Jaayegi,
Is Dunia Mein Humare...
Dost To Hein Bahut,
Par...Aapki Kami Kabhi...
Poori Na Ho Paayegi...!!!

HAPPY FRIENDSHIP DAY

AVTAR RAYAT

***Jara Sochiye***

Aye Dost...

Jara Sochiye Is Mein  Mummy-Papa Ki Kya Khata Hai,
Pada-Likha Ke Aapko Kaabil Banaana Un Ki Dua Hai,

Din Raat Mehanat Kar Ke Padaya-Likhaaya Hai Aapko,
Kya Apni Khushi Khaatir ..Chhod Doge Unke Saath Ko...!!!

AVTAR RAYAT Avi...

Kyu Mohabbat Ka Naam Badnaam Ho Gaya,
Kya Mohabbat Karna Bhi Ab Bura Kaam Ho Gaya,

Ye Badnaam Galiyon Ki Jo Ronak Hai,
In Shareefon Ki Hi Rahmaat Se Hai,

Jee Rahe Hai Shaan Se Har Mujreem,
Bas Shareefo Ka Hi Jeena Haraam Ho Gaya,

Sachhi Mohabbat Na Jaane Kahaan Hai,
Dil Se Chaaho Wo Milta Kahaan Hai,

Mohabbat Bhi Bikati Hai Bas Daam To Bolo,
Jamaane Mein Har Ek Shai Ka Daam Ho Gayaa

***Sapno Ki Haseen Manzil***

Ujad Jayegi Sapno Ki Haseen Zindagi,
Gar Hathon Mein Aapka Hath Na Aaya,
Kabhi Manzil Na Mil Payegi Humein Pyar Ki,
Gar Pyar Ki Raaho Mein Tumhara Sath Na Paya...!!!

AVTAR RAYAT

***Zindagi Mein Ujaala Ho Kaise***

Aap Nahi To Zindagi Mein Ujaala Ho Kaise,
Roshni Ke Sath Jeete Hai Bas Maut Ho Jeise,

Sadma To Hai Ke Aap Humare Saath Nahi
Phir Humare Chehre Pe Muskraht Ho Kaise,

Jee Rahe Hein Zindagi Ko Hum Shauk Ke Sath,
Gar Aapka Sath Nahi..To Hasna-Hasana Ho Kaise,


Mere Khuda Ye Kaisi Dillagi...Kaisi Hai Chahat,
Hum Zara Bhi Paas Nahi Aapke Dil Ke...
Phir Ye Intezaar Ki Ghadian Hein Kaise...!!!


AVTYAR RAYAT

***Ye Humari Zindagi***

O Jaan...
Ye Humari Zindagi...
Aapke Hone Se Chalti Hai,
Humare Chehre Pe Raunak...
Aapko Dekh Ke Khilti Hai,

Aapka Hansta Chehra...
Jeene Ka Sahara Hai,
Bin Aapke Dunia Mein...
Koyi Nahi Humara Hai,

Chand Sitaron Ki Bhi Ab...
Khwahish Nahi Humari,
Bas Yuhi Baste Rahiye...
Sanson Mein Humari,

Sagar Sa Hai Dil Aapka...
Ye Hum Maante Hein,
Aap Humein Mile Ye...
Taqdeer Thi Humari,

Naaz Khuda Bhi Karta Hai...
Kismat Pe Humari,
Jo Baste Ho Dil Mein...
Banker Dhadkan Humari...!!!
LOVE U
AVTAR RAYAT

***Ye Daawa Hai Asmaan Se***

Aye Jaan...
Ye Daawa Hai
Asmaan Se..Unchi Hogi,
Udaan Humari,
Dunia Bhi Dekhegi,
Ek Din Shaan Humari,
Gar Aapki Dhadkan Ruki,
To Humari Bhi Saanse Ruk Jayeingi,
Kuchh Aise Basi Hogi,
Ek Doosre Mein Jaan Humari...!!!
Luv u Dear...
AVTAR RAYAT 

***O Maa***

"O Maa"

Main Har Waqt Yehi

Sochta Hu..Ke Agar

Aap Mere Pass Hoti

To Kaisa Hota...?

Na To Koyi Uljhan

Hoti, Na Hi Uska Koyi

Solution Hota, Sab

Kuchh Aap Hi Karti,

Main To Bas Aapki

Godi Main Apna Sar

Rakhe Rehta..Aur

Zindagi Bhar Aapke

Pyar Ki Chhaya Mein,

Reh Kar Aap Ki Mamta

Ka Sukh Leta...

Ohh Mom I Love You...!!!

(HAPPY MOTHER's DAY

TO ALL MY FRIENDS)

AVTAR RAYAT

 

***"Maa***

"Maa"

Meri Zindagi Tumhare

Haatho'n Ki Sanwaari Huyi

Hai Maa,

Aaj Mujhe Tumhare

Haatho Ki Bahut Yaad

Aati Hai,,,

Koyi Nahi Rakhta Sar

Pe Haath Tumhari

Tareh,,,

Aaj Tumhare Haatho Ki

Bahut Yaad Aati Hai

Maa...!!!

 

O Maa...I Miss You...

 

AVTAR RAYAT

***Jab Se Tumhein Dekha***

Aye Jaan Suno,

Jab Se Tumhein Dekha...

Jabse Tumhein Jaana Hai,
Aapki Pooja Ki....

Aapko Sab-Kuchh Mana Hai,
Pyar To Waise Hi...
Badi Mushkil Se Milta Hai,
Ye Wo Phool Hai..Jo...
Har Jageh Nahi Khilta Hai,
Humari To Kismat Acchhi Hai...
Jo Aapka Pyar Mila,
Barso'n Intezaar Ke Baad...
Aap Jaise Sansaar Mila...
Ab Kabhi Ye Na Sochna Ke...
Hum Ye Rishta Tod Deinge...
Aye Jaan..Ye To Tab Bhi Nahi Hoga...
Jab Hum Saansein Chhod Deinge...!!!

 AVTAR RAYAT Avi

***Pyar Sikha Kar***

O Jaan...

Pyar Sikha Kar Humse Door Na Jaana,
Ab Hum Bhi Pyar Karne Lage Hein...
Humein Na Aajmaana,

Marne Ki Parwaah Ab Kise Hai...
Par...Ab Humse Door Jaa Kar...

Humari Zindagi Ko...
Maut Na Banaana...!!!

AVTAR RAYAT 

***Nahi Dekha Aaj-Tak***

Aye Jaan...
Pehle Tujhko Dekha...
Phir Bahaaro'n Ko Dekha..
Phir Nazrein Utha Kar...
Sitaaro'n No Dekha...
Nahi Dekha Aaj-Tak...
Tujh Sa Haseen...
Humne Zannat Mein Bhi...
Hazaaro'n Ko Dekha...!!!

AVTAR RAYAT

***Tujhe Aankhon Ka Noor Bana Loo'n***

Aaa Meri Zindagi..Mere Paas Aaa...
Tujhe Aankhon Ka Noor Bana Loo'n,
Zannat Ki Saari Khushia.....
Tere Kadmo'n Mein Bichha Doo'n,

Mere Siwa Na Dekhe Koyi...
Tujhe Seene Mein Chhupa Loo'n,
Tere Is Jiwan Ko Main...
Aaa Phoolon Se Mahka Doo'n,

Tera Saath Mila Hai Jab Se...
Khuda Ka Shukar Manaayu,
Jeena Hai Ab Tere Liye...
Janmo'n Tak Saath Nibhaayu,

Aaa Meri Zindagi...Mere Paas Aaa...
Tujhe Aankho'n Ka Noor Bana Loo'n,
Zannat Ki Saari Khushia Ko...
Tere Kadmo'n Mein Bichha Doo'n...!!!

AVTAR RAYAT

***Humse Muh Na Modna***

O Jaan...
Jiwan Mein Kabhi...
Humse Muh Na Modna,
Chaahe Chhute Sabka Saath...
Par...
Humara Saath Na Chhodna,
Agar Chale Gaye Humse Door...
To Bin Aapke...
Zindagi Adhoori Ho Jaayegi
Is Dunia Mein Humare...
Dost To Bahut Hein,
Par...
Aapki Kami Kabhi...
Poori Na Ho Paayegi...!!!

AVTAR RAYAT

***Aapke Hi Ban Kar Raheinge***

Aye Jaan...
Hum Aapse Bas Itna Hi Kaheinge...
Hum Jab Bhi Janam Leinge...
Aapke Hi Ban Kar Raheinge,
Jis Janam Mein Aap Na Honge...
Us Janam Mein..Phir..
Aye Jaan...
Hum Janam Na Leinge...!!!

AVTAR RAYAT

***HAPPY BIRTHDAY***

HAPPY BIRTHDAY.... 
O Jean... 
Khuda Ka Shukar Manaayu'n...
Aaj Ke Shubh Din Ke Liye,
Jo Aap Ko Zannat Se Bheja Hai..
Sirf Aur Sirf Humare Liye,
Dil To Kab Se Machal Raha Tha...
Aapke Deedar Ke Liye,
Janamdin Aaye..Hum Manaayein...
Apne Pyaar Ke Liye,
Humari To Ye Duayein Hein...
Aapki Umar Daraaz Ke Liye,
Jeeyo Hazaaro Baras...
Dhero'n Khushia'n..Ka Sansaar Liye...!!!

AVTAR RAYAT Avi

***MOHABAT KARO KISI SE***

Mohabat karo Kisi Se..
To Is Tareh Se Karo,
Usi Ke Liye Jio Aur...
Usi Ke Liye Hi Maro,

Jo Wo Chaahe Uski..
Khushi Ke Liye Wo Karo,
Apni Khushi Se Jiyaada
Uski Khushi Ki Fiqar Karo,

Pata Nahi Chalega...
Kaise Beet Jaayegi Zindagi,
Jeena Chaahoge Usi Ke Saath,
Apni Har Zindagi,

Karte Rahoge Khuda Se
Ilteja Yehi Baar-Baar,
Har Janam Mein Mile...
Bas Usi Ka Hi Pyar
Bas...
Usi Ka Hi Pyar...!!!

AVTAR RAYAT

***Wish You A Happy Birthday***

Let The GOD Decorate Each

GOLDEN RAY OF THE SUN

Reaching You With Wishes Of Success,
Happiness And Prosperity For You,
***Wish You A Happy Birthday***

***Zindagi Ko Pyar***

Aye Jaan...
Zindagi Ko Pyar Hum Aapse Jyaada Nahi Karte.
Kisi Pe Bhi Aitbaar Aapse Jiyada Nahi Karte,
Aap Jee Sako Mere Bbagair To Acchhi Baat Hai,
Hum Jee Leinge Aapke Bin Ye Wada Nahi Karte...!!!

AVTAR RAYAT

***Aap Mein Aisa Kya Hai***

Hum Ye Nahi Jaante Ki Aap Mein Aisa Kya Hai
Aapko Maan.te Hein Jiyaada Aisa Kyo Hai,
Mere Har Ek Sawal Ka Javab Tu Hai,
Is Musaafir Dunia Mein Mera Rehnuma Tu Hai...
Tumhare Sath Ki Aadat Si Ho Gayi Hai,
Zindagi Ko Tumhari Jarurat Si Ho Gayi Hai,
Chhod Na Dena Zindagi Ki In Raaho Mein Akela,
Ab Tumhare Sahaare Ki Aadat Si Ho Gayi Hai...!!!

AVTAR RAYAT

***Meri Har Nazar Tere Liye***

Meri Har Nazar Tere Liye,

Teri Har Nazar Kisi Aur Ki,

Meri Zindagi Teri Bandagi,

Teri Zindagi Kisi Aur Ki,

Kabhi Waqt Mile Tujhe Jara
Aa Ke..Dekh Mere Haal Ko,

Meri Har Ghadi Tere Liye
Teri Har Ghadi Kisi Aur Ki,

Mujhe Sirf Thi Teri Talab,
Par Jaane Kyo Tum Mile Nahi,

Tum Use Mila O Mere Sanam,

Jise Thi Talab Kisi Aur Ki...

Tum Use Mila O Mere Sanam,

Jise Thi Talab Kisi Aur Ki...!!!

AVTAR RAYAT

***Kyo Dete Ho Dard Bas Humin K***

Aye Jaan...
Kyo Dete Ho Dard Bas Humin Ko,
Kyo Nahi Samjhte Humari Aankho Ki Nami Ko,
Aapke To Hein Dunia Mein Laakhon Dewaane,
Aap Kya Mehsoos Karoge Humari Kami Ko...!!!

AVTAR RAYAT

***Laut Aayo Jaan***

Aye Dost...
Unhein Bahut Manaaya...
Par Wo Maan Nahi Paaye,

Humaari Sacchi Mohabbat Ko...
Wo Jaan Nahi Paaye,

Chhod Deinge Dunia Jis Din...
Tab Yehi Kaheinge,

Laut Aayo Jaan..Hum..
Tumhein Pehchaan Nahi Paaye...!!!

AVTAR RAYAT

***HAPPY TEDDY DAY***

Dosto...
Hum Aapki Dosti Ke Diwaane Hein,
Dil Mein Pyar Ke Khazaane Hein,
Sabhi Milkar La Ke Dijiye...
Ek Pyara Sa Teddy Bear,
Aaj Ke Din To Maangne Ke...
Bahaane Bhi Hein...!!!

***HAPPY TEDDY DAY***

***Happy Chocolate Day***

Aye Dost...
Aaj Chocolate Day Hai Chocolate To Khilaayo,
Meethi Meethi Dil Ki Koyi Baat To Sunaayo,
Kabse Tadap Rahe Hein Aapke Deedar Ke Liye,
Aaj To Humein Apne Paas To Bulaayo...!!!
*Happy Chocolate Day*

Dosto...Chocolate Day Par...
Aap Logo Ke Liye Ek Naseehat...
***
Ziindagi Mein Baar Baar Sahaara Nahi Milta,
Baar Baar Koyi Pyar Se Pyara Nahi Milta,
Hai Jo Aapke Paas Use Sambhaal Ke Rakhiyega..
Kyoki...Gar Kho Gaya Fir Wo Kabhi Dobaara Nahi Milta...!!!
***Happy Chocolate Day***

***Zindagi Bhar Muskara Na Sakoge***

Dil Ki Chaahat Thi Aap Humari Zindagi Mein Aate,
Lekin Ye Ho Na Saka..Hum Apni Takdeer Pe Rote Hein,
Neend Bhi Nahi Aati Aaj-Kal Raato'n Ko..Lekin,
Kabhi Khwabo'n Mein Aaoge Isi Ummeed Se Sote Hein,
Agar Yaad Na Bhi Karoge,To Bhula Bhi Na Sakoge,
Humare Khayal Zehan Se Mita Bhi Na Sakoge,
Ek Baar Jo Aap Humare Gam Se Miloge,
To Saari Umar Kabhi Muskara Na Sakoge...
O Sangdil...
Zindagi Bhar Kabhi Muskara Na Sakoge...!!!

AVTAR RAYAT

***Na Koyi Kushi Na Koyi Gam ***

Dosto
Na Koyi Kushi Na Koyi Gam Hai Roolane Wala,
Humne Apnah Liya Har Rang Zamaane Wala,

Wo Chal Diye Bagair Kahe Hath Humara  Chhod Ke,
Saath Ghar Bhi Le Gaya..Ghar Chhod Ke Jaane Wala,

Ek Musaafir Ke Safar Jaisi Hai Sabki Ye Zindagi,
Koyi Jaldi Koyi Der Mein Hai Jahan Se Jaane Wala...!!!

AVTAR RAYAT

***Usi Se Mohabat Ho***

Dosto....
Ye Jaroori Nahi Jo Humein Khushi De
Usi Se Mohabat Ho....
Pyar To Dil Todne Waale Se Bhi Ho Jaata Hai...!!!

AVTAR RAYAT Avi

***Aaj Khat Mein Tumhein Gulaab Bheja Hai***

Aaj Khat Mein Tumhein Gulaab Bheja Hai,
Tumhare Har Sawal Ka Jawab Bheja Hai,

Kar Lo Kabool Nazrana Ye Mohabbat Ka,
Humne Pyar Is Mein Be-Hisaab Bheja Hai,

Ye Sirf Phool Nahi Aarmaan Hein Humare,
In Aankhon Ne Apna Khwaab Bheja Hai,

Yaad Karte Hein Tumhein Har Lamha Hum,
Humari Har Dhadkan Ne Aadaab Bheja Hai,

Muskura Kar Nazar-E-Karam Kar Dena Aap,
Jazbaat Ka Ek Tofha Nayaab Bheja Hai,

Jawab Dena Kya Ye Tumhare Kaabil Bhi Hai,
Kissi Ne Tumhein Dil-E-Betaab Bheja Hai...!!!

AVTAR RAYAT

***Valentine's Day***

Valentine’s Day Expenses :- Feb 7: Rose Day...Rs.20 (Red Rose) Feb 8: Propose Day...Rs.100 (Card + Ice Cream To Loge Hi) Feb 9: Chocolate Day...Rs.250 (Is Se Sasti Kya Doge) Feb 10: Teddy Day...Rs.700 (Is Se Sasta Kuch Nahi Milega) Feb 11: Promise Day...Rs.130 (Ice Cream To Khilao Ge Hi) Feb 12: Hug Day...Rs.250 (Deo Laga Ke Hi Hug Karo Ge) Feb 13: Kiss Day...Rs.150 (SPRAYMINT To Lo Ge) Feb 14: Valentine Day...Rs.2000(Is Se Saste Me Kya Niptaayoge) CONGRATULATIONS SINGLE MEN, You Just Saved On Nearly Rs 3600=00

***Tusi Likh-Likh Chithia'n Paunde Rahe***

Aye Dost...SHAYAD TUSI US SHAKSH NU,

Roj Likh-Likh Chithia'n Paunde Rahe,

Oh Bin Pade Hi Teeli Launde Rahe...

Ise Umeed Wich Lang Gayi Zindagi Tuhaadi...

Oh Rusde Rahe Tusi'n Manaunde Rahe,

Tusi Ro Ro Haal-e-Dil Sunaude Rahe..

Oh Jhooth Mooth Tuhaanu Parchaude Rahe,

Tusi Vishwas Di Dori Te Chalde RaheOh Pal-

Pal Tuhaanu Bhalaunde Gaye...!!!

AVTAR RAYAT

***Kitna Tujhko Chahoon Main***

Apne Dil Ke Zakham,,

Kaise Tujhe Dikhaayu Main,
Tu Shayad Na Chahe Mujhko,

Kitna Tujhko Chahoon Main,

Aankhon Se Behte Hein Aasoon
Dil Mein Phir Bhi Rehta Hai Tu

Tu Hai Mere Zehan Mein Hardum,

Tujhko Bhool Na Paaon Main
Tu Shayad Na Chahe Mujhko,

Kitna Tujhko Chahoon Main
Pooche Mujhse Log Ye Hardum
Kisne Diye Tumhe Hain Ye Gum
Dil Pe Tera Naam Likha,Par

Kaise Tumhein Dikhaoon Main,

Tu Shayad Na Chahe Mujhko,

Kitna Tujhko Chahoon Main,

Aankhon Ne Dekhe Jo Sapne
Nahi Ho Sake Kabhi Wo Apne
Tune Jo Sapne Dikhlaye,
Ab Tak Unhe Sajaon Main

Tu Shayad Na Chahe Mujhko,

Kitna Tujhko Chahoon Main
Aaj Tu Mujhko Chhod Chala
Mera Gum Se Rishta Jod Chala
Gum Ke Toofaanon Mein

Kashti Kaise Paar Lagaon Main
Tu Shayad Na Chahe Mujhko,

Kitna Tujhko Chahoon Main
Tune Dhoka Diya Hai Mujhko
Par Ja Maaf Kiya Hai Tujhko
Tune Itne Zakham Diye,

Kahin Shayar Na Ban Jaaon Main
Tu Shayad Na Chahe Mujhko,

Kitna Tujhko Chahoon Main...!!!

AVTAR RAYAT

***Dekh Lein Hum Bhi Aaj Pyar Karke***

Dekh Lein Hum Bhi Aaj Pyar Karke,
Kya Pata Kal Kahan Jaayein Mar Ke,

Aag Ka Daria Hai...Ye Daria Hai Pyar Ka,
Dekh Lein Hum Bhi Kisi Ke Dil Mein Utar Ke,

Dil Se Dil Mil Jaayein Dhadkne Deti Hein Sunaayi
Hum Bhi Mehsoos Kar Lein Unhein Baahon Mein Bar Ke,

Pyar Ki Raah Mein Manzil Bhi Hai Kya Koyi,
Hum Bhi Dekh Lein Aaj In Raston Pe Chal Ke,

Ishq Ki Aag Mein Na Uthe Dhua Na Chingaari,
Hum Bhi Dekh Lein Aaj Is Aag Mein Jal Ke...!!!

AVTAR RAYAT

***Jab Har Dil Mein Rab Ho Basta***

Aye Dost...

Jab Dil Mein Rab Ho Basta,

Hone Ko Phir Kya Nahi Ho Sakta,

Dil Mein Agar Chah Ho Manzil Ki,

Phir Khu-ba-Khud Ban Jaaye Rasta,

Pa Na Saka Khuda Ko Koyi Daulat Se,

Jo Pyar Ke Mol Se Bhi Mile Sasta,

Rote Huyo Ke Jo Aansoo Ponchega,

Wo Hi Jag Se Jaayega Hasta-Hasta...!!!

AVTAR RAYAT

***Pyar Mohabat Rishte Naate***

Pyar Mohabat Rishte Naate...

Ye To Hein Sab Fizool Ki Baate,

Jhoothe Rishte Kabhi Nahi Judte

Zakham Hote To Bhar Bhi Jaate,

Kuchh Na Diya Jhoothe Rishton Ne,

Hum Jin Pe The Ehsaan Jataate,

Aakhir Wo Hi Karte Hein Ruswa

Jinhein Umar Bhar Rahe Manaate...!!!

AVTAR RAYAT,