***Tumhein Yakin Nahi Hai***

Aye Sanam,,,

Tumehin Yakin Nahi Hai To...
Padh Lo Dil Ke Panno Ko,
Kyo Ke Is Dil Ko Har Waqt...
Tumhara Hi Intezar Rehta Hai,

Main Kisi Aur Ko Kaise...
Shaamil Karu Apni Saanso Mein,
Kyo Ke Meri Har Dhadkan Par Sirf...
Tumhara Hi Adhikaar Rehta Hai,

Maana Ki Tum Nahi Mil Sakte...
Mujhe Is Janam Mein,
Fir Bhi Tere Jhuthe Izhaar Se...
Mere Dil Ko Qraar Rehta Hai,

Teri Judaayi Mein Is Tarah...
Humare Aansu Tapkte Hein,
Jaise Barso Se In Aankho Se...
Kisi Jharne Ka Fauhaar Behta Hai,

Teri Yaado Ko Ek Pal Bhi...
Juda Nahi Kar Sakte Apne Se,
Kyoki..Mere Khoon Ke Har Katre Mein...
Tere Pyar Ka Shumaar Rehta Hai,

Aye Jaan...Mere Jinda Rehte-Rehte
Bas..Ek Bar Aakar Mujhe Mil Jaayo...
Kyoki...
In Saanso Ke Taar Kab Toot Jayein...
Humein Ab Aitbar Nahi Rehta Hai...!!!!

AVTAR RAYAT