***Aaj Bhi Tera Intezaar Hai***64 Last

O Sanam,

Aaj Bhi Mere Kaano'n Mein..
Goonjti Rehti Hai Awaaz Teri,
Dil Ki Teh Tak Basi Hai..
Meethi-Meethi Yaad Teri,

Jab Se Chhod Gaye Ho..
Mudkar Na Dekha Tumne,
Na Kabhi Aa Kar Mere..
Dil Ka Haal Puchha Tumne,

Bahut Yaad Aate Hein..
Tumhare Sath Bitaye Ek-Ek Pal,
Aisa Lagta Hai Jaise..Beeta Hai
Abhi-Abhi Wo Guzra Kal,

Wo Tera Mere Paas Aana,
Sharma Ke Nazro Ko Jhukana,
Kabhi Naraaz Sa Hokar,
Tera Mujhse Rooth Jaana,

Phir..Tera Duad Ke Paas Aana..
Aur Tera Mujh Se Lipat Jaana,
Kabhi-Kabhi Beshud Se Hokar..
Meri Baajuo Mein Simat Jaana,

Socha Tha.....Bin Tere..
Din Hans Ke Guzar Jayeinge,
Teri Yaadon Se Door Nikal Ke..
Kabhi Laut Ke Na Aayeinge,

Par..Aaj Phir Kadam Le Aaye Hein..
Humein Vaapis Usi Mod Par,
Jahan Teri Judaayi Ne..
Rakh Diya Tha Tod Kar,

Aye Jaan...Aapse Hai..
Humari Guzarish Baar-Baar,
Tum Laut Aayo..
Laut Aayo...Sab Kuchh Bhool Ke..
O Mere Bichhde Pyar..
O Mere Bichhde Pyar...!!!

AVTAR RAYAT