***Maa***

**MAA**

Ek Din Maa Ne Paas Bulaya
Maatha Chooma Gale Lagaya

Laddu Khilaya Sharbat Pilaya,
Mera Bachpan Yaad Dilaya,

Poochhi Maa Ne Ek Din Ki Kamayi,
Khushi Se Maine Dugani Bataayi,

Boodhi Maa Ne Chupi Todi,
Sandook Se Lakar Gullak Phodi,

Chillar Note Se Bhar Ke Jholi
Aaasu Apne Rok Ke Boli,

Ye Rakh Le Meri Barso Ki Bachat,
Ise Ek Din Ki Kamayi Samjh,

De Badle Mein Ek Din Apna
Yahi Hai Mera Aakhri Sapna,
Beta,,,,
Ye Hi Hai Mera Aakhri Sapna...!!!

AVTAR RAYAT