***RAKSHA BANDHAN***

***RAKSHA BANDHAN PAR VISHESH***

***Ek Behna Ki Apne Bhaiya Se Request***

O Pyaare Bhaiya...

Chaahe Poore Saal Koyi Bhi,
Chitthi Patri Mat Likhna,
Mere Laad-Pyar-Dulaar Ka,
Chaahe Mol Nahi Karna,

Nahi Bhejna Chaahe Mujhko,
Tohfe..Teej-Tyohaaro Par,
Par Thoda Sa Haq De Dena,
Baabul Ke Galiaaro'n Par,

Rupeya-Paisa Na Kuchh Chaahe,
Ye Bole Meri Raakhi Hai,
Aashirvaad Mile Maayike Se,
Mujhko Itna Kaafi Hai,

Bhaiya Raakhi Ke Dhaage Ka,
Maan Dil Se Bas Rakh Lena,
Raksha Bandhan Par Behna Ka...
Rasta Jara Sa Tak Lena...!!!

***HAPPY RAKSHA BANDHAN FRIENDS..in Advc..***

AVTAR RAYAT