***Tere Bin Kya Hai Zindagi Sanam***

Tere Bin Kya Hai Zindagi Sanam,
Aa Bhi Jao Tumhe Meri Kasam,

Intezaar Mein Beete Kitne Lamhe,
Chand Bhi Ho Gaya Madham-Madham,

Raat Bhar Ki Jaagi Hain Aankhein,
Palkon Par Ab Ruki Hai Shabnam,

Aawaaz Dete Hein Dil Ke Zakham,
Tera Pyar Hi Hai Mera Marrhum,

Din-Raat Hai Bas Tanhayi Ka Dard
Yeh Kaisi Ghutan Ye Kaisa Gum,

Ho Wajood Mein Ho Rooh Mein Meri,
Jo Tu Nahi To Na Hum Hein Hum...

Tere Bin Kya Hai Zindagi Sanam
Aa Bhi Jao Tumhe Meri Kasam,..!!!

AVTAR RAYAT Avi

Mere Jism Mein Lahu Ban Ke

Aye Jaan...

Mere Jism Mein Lahu Ban Ke...Samaaye Ho Tum
Ban Ke Hasin Khwab...Jeewan Mein Chhaaye Ho Tum
Sirf Tum Hi Ho Mere...Aur Jahan Kya Hai Mera,
Tum Ibaadat Ho Meri...Meri Khudayi Ho Tum..!!!

AVTAR RAYAT Avi

***Aapko Paana Zindagi Hai***

O Jaana...
Aapko Paana Zindagi Hai...
Aapko Khona Maut Meri,
Aapke Siwa Dunia Mein..
Koyi Aur Mera Saathi Nahi,

Maang Leinge Khuda Se...
Ya Chura Leinge Tumhein,
Kyoki...Aapsa Doosra Moti,
Uske Khazaane Mein Nahi...!!!

AVTAR RAYAT Avi

***Benqaab Ho Ke Na Nikla Kijiye***TAREEF***

Jara Suniye...
Benqaab Ho Ke Na Nikla Kijiye...
Kahin Nazar Na Lag Jaaye Insaano Ki...
Hum To Agaah Hi Aapko Kar Sakte Hein...
Kyoki...Bahut Buri Nazrein Hein Dewano Ki...!!!

AVTAR RAYAT

***Aaj Aapka Janam-Din..Hai Mere Dost***HAPPY BIRTHDAY***

Suniye...
Aaj Aapka Janam-Din..Hai Mere Dost,
Kya Dein Aapko Khaas..Tohfa Aye Dost,
Mile Zamaane Bhar Ki..Aapko Khushia'n,
Khuda Se Hai Dua..Humari Aye Dost,

Itni Si Hai Iltija Bas..Itna Hi Hai Kehna,
Rehna Mera Saath Sada..Sang Aye Dost,
Dil Mein Na Rakhna Koyi..Shikwa Ranj Apne,
Ho Jaaye Humse Koyi..Gar Khataa Aye Dost,

Nibhayeinge Dosti..Sath Raheinge Umar Bhar,
Karte Hein Dil Se Wada..Aapse Aye Dost,
Kabhi Kabhi Takraar Hai..To Kabhi Pyar Hai,
Yahi Dosti Ka Raha Hai..Tastoor Mere Dost...!!!

AVTAR RAYAT Avi

***O Jaan Meri...Zara Thehar Jaayo***

O Jaan Meri...Zara Thehar Jaayo,
Meri Zindagi..Teri Baahon Mein Hai,
Ye Jism Hai..Zamee'n Pe Mera...
Meri Rooh..In Hawaayo'n Mein Hai,

Tumhein Dekhein..Ya In Wadiyan Ko...
Ya Dekhein..Husn-o-Shabab Tera,
Tujh Mein Hai Wo Sab..O Mere Sanam...
Jo Nahi....In Fizaayon Mein Hai,

O Jaana...
Tujh Mein Hai Wo Sab..O Mere Khuda,
Jo Nahi....In Fizaayon Mein Hai,..!!!

AVTAR RAYAT Avi

***Hum Dunia Se Anjaan The***

Aye Jaan...

Hum Dunia Se Anjaan The,
Is Mohabat Mein Nadaan The
Haqikat Mein Aapne Badal Diya,
Warna Khoye Huye Aasmaan The,

Humari Zindagi Gulistan Ki
Pehle Lagti Thi Bejaan Si,
Aap Aaye Jiwan Mehak Utha
Warna Pehle Registaan Thi,

Aap Le Aaye Sitaron Mein
In Rang Birangi Baharo Mein
Sach..Aap Hi Ho Mere Khuda,
Aapse Ho Nahi Sakte Ab Juda...
O Jaana...
Aapse Ho Nahi Sakte Ab Juda...!!!

AVTAR RAYAT Avi